«Діни тартушылардың психологиялық манипуляцияларының объектісі болмаудың жолы» тренингі

2019 жылдың 5 маусымында қалалық кітапхана базасында «Степногорск қаласы, индустриалдық-техникалық колледжі» МКҚК студенттері «Діни тартушылардың психологиялық манипуляцияларының объектісі болмаудың  жолы» атты тренингке қатысты.  Тренингті «Жастар экстремизм мен терроризмге қарсы» жобасын жүзеге асыру аясында Ақмола облысының прокуратурасы ұйымдастырды.

Іс-шараның модераторлары «Дін мәселелері жөніндегі ғылыми-зерттеу және талдау орталығы» РММ діни бірлестіктерді зерттеу бөлімінің аға қызметкері Кожегельдиев  Бауыржан  Убалханович  және гуманитарлық ғылымдар магистрі, психология магистрі, «Зерделі ұрпақ» ЖҚБ төрайымы Оразбаева Гульнара Какеновна болды.  Тренинг барысында студенттерге презентациялар, слайдтар көрсетілді, кіші топтарда жұмыс, рөлдік ойындар өткізілді, сондай-ақ тренинг қатысушылары буклеттермен қамтамасыз етілді. 

Аталған іс – шараның мақсаты-адам санасына деструктивті діни ұйымдардың әсер ету әдістері, діни экстремизм мен терроризм идеяларының алдын алу, экстремистік және террористік қылмыстарды жасауға жол бермеу және құқыққа қарсы әрекеттер үшін жазалау туралы ақпараттандыру болып табылады.

Сатанова А.Б.

Аударған: Аубакирова Ф.К.