Жарқын кәсіби болашаққа алғашқы қадам!

2024 жылғы 22-23 ақпан аралығында Щучье қаласының Жоғары педагогикалық колледжі базасында Білім беру секторындағы техникалық және кәсіптік, орта білімнен кейінгі білім беру ұйымының оқытушылары арасында облыстық кәсіби шеберлік байқауы өтті. «Жалпы білім беру пәндері» бағыты бойынша Ақмола облысының әр түрлі колледждерінен 16 оқытушы қатысты.
Педагогикалық шеберлік байқауын мұғалімдердің кәсіби шеберлігін арттырудың бір кезеңі деуге болады.
Кәсіби конкурстарды өткізу білім беру жүйесінің тиімді дамуына және оқытудың жаңа әдістерін, технологияларын және тәсілдерін тәжірибеге кеңінен енгізуге ықпал етеді.
Осы байқауға қатысу арқылы мен өзімнің дамуға, өзімді жетілдіруге, жақында ғана бастаған кәсіби қызметімнің нәтижесіне жетуге деген рухани қажеттіліктерімді қанағаттандырдым.
Бұл байқау сыни тұрғыдан ойлау, креативтілік, ІТ технологияларды қолдану және өз жұмысымның нәтижесін көрсете білу сияқты дағдыларды дамытуға да көмектесті.Бұл дағдылар менің әрі қарай кәсіби дамуым үшін өте маңызды. Мен ішкі қайшылықтарды жеңуді және өзіме сенімді болуды үйрендім. Әріптестерімнің жұмыстарына көз жүгіртсем, мен тек көрермен ғана емес, өзіме пайдалы жаңалық тауып, өзіме біраз мысалдар тауып, болып жатқан жайттарды өз ойларыммен салыстыратын белсенді тыңдаушы болдым. Ұйымдастырушыларға өзімді білдіруге мүмкіндік бергені және жинақталған тәжірибе үшін алғыс айтамын. Жеңістерім әлі алда екенін анық білемін!

Шетел тілі мұғалімі Аубакирова Фариза Қуандыққызы