Шығармашылық мамандыққа қабылдаудың емтихандық жұмыстары

«Дизайн (бейіні бойынша)» мамандығына түсетін талапкерлер үшін толқулар мен уайымдар артта қалды.
Индустриялық-техникалық колледжде өнер және мәдениет мамандықтары бойынша оқуға түсушілер үшін ережелер бойынша шығармашылық емтихан өтті. Карантинге байланысты жағдайды ескере отырып, шығармашылық емтихан нысаны ақпараттық технологиялар арқылы, атап айтқанда ZOOM білім беру платформасы арқылы өтті.
«Дизайн (бейін бойынша» мамандығы бойынша талапкерлерге қашықтықтан көрсетілетін натюрмортты орындау қажет болды. Жұмыстың орындалуын бағалау критерийлері натюрморттың парақ форматындағы дұрыс композициялық орналасуы, натюрморттың конструктивті құрылысы және жарықтандыру ерекшеліктерін ескере отырып, оны түсті орындау болды. Суреттер 5 балдық жүйе бойынша бағаланды, бұл жұмысты олардың деңгейі бойынша дәл саралауға мүмкіндік берді.
Қабылдау нәтижелері туралы ақпарат ақпараттық стендтерде және индустриялық-техникалық колледждің сайтында орналастыру арқылы түсушілердің назарына жеткізілді.

Арнайы пәндер оқытушысы Виктория Габченко
Аударған: Есжанова А.С.