Педагогтар мен өндірістік оқыту шеберлеріне арналған "Біртұтас тәрбие" жаңартылған бағдарламасы тақырыбындағы оқыту семинары.

2024 жылдың 29 тамызында Степногорск қаласының Жоғары колледжінде Педагогикалық кеңес барысында директордың тәрбие ісі жөніндегі орынбасары Сатанова Айнұр Бейсембайқызы «Жаңартылған «Біртұтас тәрбие» бағдарламасы бойынша ұстаздар мен кәсіптік оқыту шеберлеріне арналған семинар-тренинг өткізді.
«Біртұтас тәрбие» бағдарламасының негізінде келесі тәсілдер жатыр: құндылыққа бағытталған әдіс – студенттерді тәуелсіздік, отансүйгіштік, бірлік, әділдік, жауапкершілік, заңдылық, тәртіп, еңбексүйгіштік, кәсіпқойлық, шығармашылық және жаңашылдық сияқты маңызды құндылықтарға үйрету.. Сондай-ақ құзіреттілікке негізделген әдіс – оқушылардың жан-жақты дамуына көмектесетін білім, біліктілік және эмоционалдық дағдыларды дамыту.
 Бағдарламаның мақсаты – студенттерді қазақстандық мәдениет құндылықтарына негізделген, олардың рухани қасиеттерін, азаматтық жауапкершілік пен патриоттық сезімін, адалдық пен инабаттылықты дамыта отырып, үйлесімді дамыған тұлға болып қалыптасуына көмектесу.